CERITA HUMOR 1

1. SMS ABG SUNDA ZAMAN AYEUNA

Karim : mikum

Mimin : kumlam, aya naon….

Karim : eta terangkanlah, saurna doma sareung eume nu diangon  ku mang Juha tos ngalahirkeun, leres ?

Mimin : muhun, malah nu doma mah lahirna teh kemar

Karim : mudah2an atuh sing engal arageung.

Mimin : amin.

Karim : Min, punteun abdi bade ngarepotkeun, manawi gaduh simpeunan, abdi bade namut artos 100rb, ieu pun anak ngadat hoyong cireng banyur

Mimin : oh ….. kitu, padahal mah daripada cireng  banyur  mendingan cireng seblok, he he,

              iraha bade dicanakna ?

Karim : insyaAllah engke sonteun abdi kadinya

Mimin : manga diantos

2. TATARUCINGAN BUDAK SD

Sumpena : naon bedana motor jeung monyet ?

Sumpeno : motor mah ayana di jalan, monyet mah

                    ayana di leuweung

Sumpena : ah maneh mah ngajawab teh sok ngacapruk, salah lain kitu.

Sumpeno : ari geus naon atuh da urang mah teu apal

Sumpena : motor mah Kawasaki, monyet mah kawasia

Sumpeno : beungeut sia ge kawasapi

3. TATARUCINGAN BUDAK MAHASISWA

Suryaman : Ni, lamun pulisi jadi guru, tentara jadi guru, tukang ojeg jadi guru, dokter jadi guru, ari guru jadi naon ?

Suheryani : jadi loba

Suryaman : anyiiiir….., nyaho gening maneh sugan teh moal bisa ngajawab.

Suheryani : ayeuna giliran urang, naon sababna loba jelema nu teu satuju lamun guru nyieun partai pulitik ?

Suryaman : taluk ah urang mah tara pupulitikan

Suheryani : sabab bakal meunang dina pemilu

Suryaman : naon maksudna, urang can ngarti yeuh.

Suheryani : sok we itung ku maneh sabaraha puluh juta nu bakal milih partai guru, aya guru PAUD, TK, SD, SMP, SMA, Dosen, RA, MI, MTs, MA, nu negri nu swasta, guru Paket A, Paket B, Paket C, guru kursus, guru les, guru ngaji, guru silat, guru nyetir, salaki pamajikan guru, adi lanceuk guru, anak incu guru, bapa ema guru, aki nini guru. Itung sa Indonesia !

Suryaman : hoream teuing kudu ngitung, itung we ku maneh.

4. SUPIR ELF JEUNG USTAD

Muhidin : Di, heula mana asup surgana supir elf jeung ustad

Murtadi : nya heula ustad atuh, rajin solat rajin ngaji mindeng khutbah

Muhidin : salah, nya heula supir elf atuh

Murtadi : naon sababna ?

Muhidin : sabab supir elf mah lamun keur ngajalankeun mobil kabeh penumpang jadi rajin ngadu’a teu eureun2. Tapi lamun ustad keur khutbah mah jama’ah teh lain jadi rajin ngadu’a tapi narundutan malah aya nu tibra sagala.

Murtadi : komo lamun ngebutna pas na tikungan, ngadu’ana leuwih tarik, he  he  he .

5. BASA ARAB LIEUR

Sulaeman : Id anam yaro ?

Supardan : eta terangkanlah, aing teu ngarti

Sulaeman : yaro id hawas .

Supardan : eueueuh… naon maksudna atuh ?

Sulaeman : di mana oray ? Oray di sawah.

Supardan : gehel ah, sugan teh basa Arab, ari pek teh macana dibalik.